د کانونو او پټرولیم وزارت سرپرست د کونړ ولایت د کانونو له رئیس سره ولیدل
د کانونو او پټرولیم وزارت سرپرست شیخ الحدیث شهاب الدین دلاور د کونړ ولایت د کانونو له رئیس مولوي محمد شیرین حقاني سره په خپل کاري دفتر کې ولیدل.
په دغه لیدنه کې دواړو لورو د یاد ولایت د کاني زېرمو په اړه د خبرو سربېره یې د رسوبي طلا، بېروج او قېمتي ډبرو د ارزښت په اړه بحث او نظرونه شریک کړل، د کونړ ولایت د کانونو رئیس خپلې ستونزې او غوښتنې یې د وزارت له مشر تابه سره شریکې کړې.
د کانونو او پټرولیم وزارت سرپرست د هغوی ستونزو او غوښتنو له اورېدو څخه وروسته یې سپارښتنه وکړه چې د یاد ولایت د رسوبي طلا کان دې ژر تر ژره اعلان ته وسپارل شي او همد راز یې د کانې زېرمو د مدیریت، ساتنې، څارنې او رونټیا په اړه تینګار وکړ.
په پای کې یې د کاري پروسې د ښه والي او کارونو د چټکتیا په موخه لازمې لارښوونې وکړې.
