د پروان ولایت د جبل السراج سیمنټو پروژې قرارداد لاسلیک
د کانونو او پټرولیم وزارت سرپرست شیخ الحدیث شهاب الدین دلاور د مرستیالانو، رئيسانو په شتون کې د جبل السراج د سیمنټو پروژې قرارداد د پنجشنبې په ورځ د 20/7/1402 نېټې د عوفي بهرام، الفلاح العالمي و مجموعة المهام الدولي قطرشرکتونو سره د رسنیو په شتون کې لاسلیک کړ.
یاده غونډه چې د کانونو او پټرولیم وزارت د غونډو په تالار کې ترسره شوه، د کانونو او پټرولیم وزارت سرپرست وویل: د جبل السراج د سیمنټو پروژه د 220 میلیونه ډالرو څخه زیاتې پانګونې سره، چې د کال یو میلیون او پنځه سوه زره ټنه سیمنټ په اساسي توګه تولیدوي او 5000 کسانو ته به په مستقیم او ګڼ شمېر نورو ته به په غیر مستقیم ډول د کار زمینه برابره شي.
د کانونو او پټرولیم وزارت سرپرست د کندهار او هرات ولایتونو د سیمنټو پروژې، د هرات نفت او ګاز، د بدخشان سروزرو، د پنجشیر زمردو په اړه معلومات وړاندې کړل، یادې پروژې یې د هېواد د اقتصادي پراختیا لپاره مهمې او اړینې وبللې.
همدارنګه د قطر د المهام الولي شرکت رئیس د کانونو او پټرولیم وزارت له رهبري څخه مننه وکړه چې یاده پروژه یې نهايي او لاسلیک کړه ، د افغانستان اقتصادي پراختیا او کارموندنې په برخه کې مهم ګام وباله.
