د کانونو او پټروليم وزار سرپرست له بريټانيوي پانګوال سره وليدل.
د کانونو او پټروليم وزارت سرپرست شيخ الحديث شهاب الدين دلاور 1402/6/22 نېټې له برېټانيوي پانګوال ښاغلي آنتوني رد سره په خپل کاري دفتر کې وليدل.
په دغه ليدنه کې دواړو لوريو د افغانستان په طبيعي زېرمو د پانګونې تر څنګ يې د بهرنيو شرکتونو د جلب او جذب لپاره د مناسبو شرايطو او په ټول هيواد کې د امنيت تامين په اړه بحث او نظرونه سره شريک کړل.
همدارنګه بريټانيوي پانګوال د افغانستان پر کانونو باندې د پانګونې لپاره خپله لېوالتيا وښودله چې د کانونو او پټروليم وزارت سرپرست له لوري وستايل شو. او بهرنيو شرکتونو ته د لازمو همکاريو او اسانتياوو رامنځته کولو لپاره د همکاريو ژمنه وکړه.
