لوګر ولایت ته د کانونو اوپټرولیم وزارت سرپرست سفر
د کانونو او پټرولیم وزارت سرپرست شیخ الحدیث شهاب الدین دلاور او ورسره مل پلاوي په یو رسمي سفر لوګر ولایت ته ولاړ.
د کانونو او پټرولیم وزارت سرپرست په دغه سفر کې د لوګر ولایت مرستیال والي مولوي عنایت الله، له سیمه یزو مسوولینو او مشرانو سره ولیدل او پر بېلابېلو موضوعاتو په ځانګړې توګه له نهو ارګانونو مشتملې کمېټې د امینه قومندانۍ ، استخبارتو ریاست، کرنې او مالداري، اقتصاد، اوبو او برېښنا، چاپېریال ساتنې، مستوفیت او د کانونو ریاست د استازو تر منځ د کمېټې پر جوړول خبرې وکړې او زیاته یې کړه چې یاده کمېټه د کانونو د خپل سري او غیرقانوني کان کېندنې او قاچاق مخنیوی او همدارنګه د کانونو د استخراج پرچټکتیا ټېنګار وکړ او له سیمه یزو ارګانونو څخه یې غوښتنه وکړه چې له یادې کمېټې سره دې همکاري وکړي.
