د سمنګان ولایت کانونو له ریاست څخه د کانونو او پټرولیم وزارت سرپرست لیدنه
د کانونو او پټرولیم وزارت سرپرست او مل پلاوي د خپل کاري سفر په دوام د یکشنبې په ورځ د 14/3/1402 نېټې د سمنګان ولایت کانونو ریاست له کارکوونکو سره ولیدل.
په دغه لیدنه کې د یاد ولایت علماوو، مشرانو، متنفذینو او یو شمېر تجارانو هم ګډون درلوده. د کانونو او پټرولیم زوارت سرپرست د دغه ولایت د کانونو ریاست د فعالیتونو او کړنو ستاینه او اړوندو مسؤولینو څخه مننه وکړه. او د بېلابېلو برخو ستونزې او نظرونه یې واورېدل او یادو ستونزو د حل لپاره یې ورسره د همکارۍ ژمنه وکړه.
د کانونو او پټرولیم وزارت سرپرست له مشرانو او تجارانو سره یاد ولایت د ستونزو او طبیعي زېرمو په اړه بحث او نظرونه شریک کړل او ډاډ یې ورکړ چې ستاسو ستونزو ته به رسېدنه وشي.
