د نویو ګمارل شویو کارکوونکو لپاره روزنیز پروګرام ترسره شو
د کانونو او پټرولیم وزارت د نویو ګمارل شویو کارکوونکو او اجراییه مدیرانو لپاره روزنیز پروګرام د کارکوونکو چارو ریاست د روزنیزو پروګرامونو د آمریت په نوښت او د ملکي خدمتونو د انسټیټوټ په همکارۍ، د وزارت د غونډو په تالار کې ترسره شو.
یاد پروګرام د قرآن کریم د څو مبارکو آیتونو په تلاوت سره پیل شو. ورپسې د کانونو او پټرولیم وزارت مالي او اداري مرستیال مولوي حسامالدین صابري، د روزنیز پروګرام د ارزښت او اهمیت په اړه خبرې وکړې نوموړي وویل، چې د داسې پروګرامونو جوړول د کارکوونکو وړتیاوې لوړوي او په چارو کې د روڼتیا، رښتینولۍ، امانتدارۍ او اخلاص پر اهمیت یې ټینګار وکړ.
په پای کې د ملکي خدمتونو د انسټیټوټ استازي د پرزنټېشن له لارې ګډونوالو ته اړوند معلومات وړاندې کړل.
