د کانونو او پټرولیم وزارت سرپرست د دویم مس عینک کان له مسوولینو سره وکتل
د کانونو او پټرولیم وزارت سرپرست الحاج ملا هدایت الله بدري د دوشنبې په ورځ (2/7/1403) نېټې په خپل کاري دفتر کې د دویم مس عینک کان له قراردادي مسوولینو سره وکتل.
په پیل کې د یادې پروژې مسوولینو د خپلو اکتشافي پرمختګونو او کاري پلانونو په اړه معلومات ورکړل او د چارو د چټکتیا په موخه یې خپل نظریات او وړاندیزونه له سرپرست وزیر سره شریک کړل.
د کانونو او پټرولیم وزارت سرپرست د دویم مس عینک پروژې د اهمیت او ارزښت په اړه خبرې وکړې او قراردادي شرکت ته یې په ټولو برخو کې د هر اړخیزې همکارۍ ډاډ ورکړ او له هغوی څخه یې وغوښتل چې د قرارداد د شرایطو پر بنسټ خپل مسوولیتونه ترسره کړي او د پروژې پراختیایي فعالیتونو ته پاملرنه وکړي.
