د کاني زېرمو په برخه کې د روسي پانګوال لېوالتیا
د کانونو او پټرولیم وزارت سرپرست الحاج ملا هدایت الله بدري د پنجشنبې په ورځ (1403/6/15) نېټې له روسي پانګوالو او د هغوی له افغان شریکانو سره په خپل کاري دفتر کې وکتل.
په دې کتنه کې روسې پانګوالو په افغانستان کې د بشپړ امنیت او ثبات د ټینګښت له امله خوښي څرګنده کړه او د هېواد د کانونو په ځانګړي ډول د تېلو او ګازو په برخه کې یې د پانګونې لپاره لېوالتیا څرګنده کړه.
د کانونو او پټرولیم وزارت سرپرست دوی ته د پانګونې په موخه ښه راغلاست ووایه او ډاډ یې ورکړ، چې د کانونو د قانون او طرزالعمل له مخې به د پانګونې د زمینې په برابرولو کې همکاري وکړي.
