تدویر نخستین جلسه کمیته محافظت معادن ولایت تخار
در نخستین جلسه کمیته محافظت معادن ولایت تخار که تحت ریاست مولوی عبیدالله امین زاده والی و با حضور اعضای کمیته برگزار گردید روی جلوگیری از قاچاق مواد معدنی، استخراج غیر قانونی و محافظت معادن ولایت تخار بحث و تبادل نظر گردید.
والی تخار ضمن تاکید روی تطبیق طرزالعمل کاری کمیته و همکاری اعضای کمیته با ریاست معادن ولایت تخار به مسوولین قوماندانی امنیه، استخبارات هدایات لازم را بمنظور جلوگیری از استخراج خود سر معادن سپرده خواهان توجه جدید شان در این قسمت گردیدند.
همچنان حافظ محمد فرید رئیس عمومی کادستر وزارت معادن و پترولیم که در راس یک هیئت در آن ولایت حضور دارند، خواهان همکاری مقام ولایت و مسوولین ادارات محلی تخار با کمیته محافظت معادن گردیدند.
در اخیر اعضای کمیته نظریات، پیشنهادات و راه حل های شان را جهت محافظت از معادن ولایت تخار شریک نموده وعده همکاری های لازم سپردند.
