د کانونو او پټرولیم وزارت سرپرست د موسهي ولسوالۍ له مشرانو سره وکتل
د کانونو او پټرولیم وزارت سرپرست الحاج ملا هدایت الله بدري د سه شنبې په ورځ د ۱۴۰۴/۲/۲ نېټې په خپل کاري دفتر کې د موسهي ولسوالۍ له مشرانو او ځايي مسوولینو سره په خپل کاري دفتر کې وکتل.
په دغه لیدنه کې دیادې ولسوالۍ مشرانو د دویم عینک مسو کان په سیمې کې د شته ستونزو په اړه خپل وړاندیزونه او ستونزې د وزارت له سرپرست سره شریکې کړې او د حل په برخه کې یې ور څخه د همکاریو غوښتنه وکړه.
د کانونو او پټرولیم وزارت سرپرست د دوی د ستونزو او وړاندیزونو له اورېدو څخه وروسته هغوی ته ډاډ ورکړ، چې د کان کیندنې په برخه کې به د کار کولو لومړیتوب د یادو سیمو خلکو لپاره وي او دغه راز یې د سیمې خلکو ته د ټولنیزو خدمتونو په وړاندې کولو ټینګار وکړ.
