د کوچنیو کانونو د تنظیم رئیس معرفي شو
د وزارت د مقام په وړاندیز او د ریاست الوزرا د حکم په اساس ضیاءالحق ضیاء د کوچنیو کانونو د تنظیم رئیس په توګه د یکشنبې په ورځ د ۱۴۰۳/۱۱/۷ نېټې د مقام د دفتر عمومي رئیس الحاج معراج محمد معراج له لوري د یو شمېر رئیسانو په شتون کې د یاد ریاست کارکوونکو ته ور وپېژندل شو.
د وزارت مقام د دفتر عمومي رئیس د مبارکۍ تر څنګ وویل: په اداره کې بدلون یو اصل دی او هر هغه څوک چې د اسلامي امارت په چوکاټ کې مسوولیت لري هغه باید خپل کار د اسلامي نظام د پالیسۍ سره سم ترسره کړي. دغه راز یې د پخواني رئیس د کارونو ستاینه وکړه او نوي رئیس ته یې د خپلو دندو په ترسره کولو کې د لا بریالیتوب او خدمت هیله وکړه.
د کوچنیو کانونو د تنظیم نوي رئیس د وزارت د مشرتابه له باور څخه مننه وکړ او ژمنه یې وکړه، چې ورسپارل شوې دنده به سم ډول سره ترسره کړي.
