د هېواد شمالي ولایتونو ته د ستر تخنیکي سلاکار سفر
د کانونو او پټروليم وزارت د ستر تخنیکي سلاکار په مشرۍ پلاوي د سرپل ولايت قشقري نفتي سیمې د قراردادي ( افچين شرکت ) او د دوی فرعي قرارداديانو له چارو او د جوزجان ولايت د يتيم تاق ګازي سیمې د دوو استخراجي څاګانو د کيندلو او قراردادي شرکت فعاليتونو څخه ليدنه وکړه او د شرکت مسوولينو ته یې د چارود چټکتيا او ښې همغږۍ په موخه لازمې لارښوونې وکړې.
دغه راز یاد پلاوي د خپل کاري سفر په پاي کې د بلخ ولايت د سرې او برېښنا امارتي شرکت څخه ليدنه کې دیاد شرکت لپاره د نوې پانګونې د جلب، د شرکت توليدي ظرفيت لوړولو او فرصتونو څخه د ښې ګټې اخستنې په اړه یې ټینګار وکړ.
