د کانونو او پټرولیم وزارت سرپرست د بدخشان ولایت له مشرانو سره وکتل
د کانونو او پټرولیم وزارت سرپرست الحاج ملا هدایت الله بدري د پنجشنبې په ورځ (26/7/1403) نېټې د بدخشان ولایت له مشرانو او مخورو سره په خپل کاري دفتر کې وکتل او د یاد ولایت د کاني زېرمو او زرشويي فعالیتونو په اړه یې بحث او خبرې وکړې دغه راز یې د خلکو وړاندیزونه او ستونزې یې له سرپرست وزیر سره شریکې کړې.
د کانونو او پټرولیم وزارت سرپرست د دوی وړاندیزونه او ستونزې واورېدې ویې ویل: کانونه د هېواد ملي سرمایه ده، د کانونو د استخراج په برخه کې د کانونو ټول شرکتونه او د زرشويي قراردادیان مکلف دي چې د خپلو ژمنو له مخې د کان کیندنې فعالیتونو ترسره کړي.
