د کانونو او پټرولیم وزارت سرپرست د نېش ولسوالۍ له مشرانو سره وکتل
د کانونو او پټرولیم وزارت سرپرست الحاج ملا هدایت الله بدري د چهارشنبې په ورځ (25/7/1403) نېټې د کندهار ولایت د نېش ولسوالۍ له مخورو او مشرانو سره په کتنه کې د دغې ولسوالۍ د کاني زېرمو د مدیریت په اړه یې بحث او خبرې وکړې.
د نېش ولسوالۍ مشرانو د قراردادي شرکتونو له خوا د ټولنیزو خدمتونو د وړاندې کولو په اړه خبرې وکړې چې په هغو کې د سړکونو، ښوونځیو، پلونو، پلچکونو جوړول شامل دي د پلي کېدوغوښتنه وکړه او خپل نظریات، وړاندیزونه او ستونزې یې د وزارت له مشرتابه سره شریکې کړې.
د کانونو او پټرولیم وزارت سرپرست وویل: قراردادي شرکتونه مکلف دي چې د خپلو ژمنو سره سم د ټولنیزو خدمتونو د وړاندې کولو په برخه کې کار او فعالیت وکړي دغه راز دیادې ولسوالۍ خلکو ته کاري فرصتونه برابرول د قراردادي شرکتونو له لوري د کانونو او پټرولیم وزارت له لومړيتوبونو څخه دي.
