د لغمان ولایت د کانونو د ساتنې او څارنې کمېټې غونډه ترسره شوه
د لغمان ولایت د کانونو د ساتنې او څارنې کمېټې غونډه د یاد ولایت د کانونو د رئیس الحاج مولوي سيف الله حنفي په مشرۍ چې پکې د کمېټې غړو ګډون کړی و ترسره شوه.
غونډه د قرآنکریم د څو مبارکو آیاتونو په تلاوت سره پیل شوه، ورپسې د کانونو رئیس د کانونو ساتنې، څارنې او د غیر قانوني استخراج د مخنیوي په اړه خبرې وکړې ویې ویل: زموږ موخه د کانونو د ساتنې، مدیریت او د غیر قانوني استخراج مخنیوی دی، د خوښۍ ځای دی چې په لغمان ولایت کې د کانونو د قاچاق مخنیوی شوی دی او هیچا ته ددې اجازه نه ورکوو، چې کانونه په خپل سر استخراج کړي.
په پای کې د کمېټې غړو د یاد ولایت د کانونو د ساتنې په موخه خپل نظریات، وړاندیزونه او حل لارې شریکې کړې او د لازمې همکاریو ژمنه یې وکړه.
