د کانونو او پټرولیم وزارت سرپرست د مالیزیا هېواد د بهرنیو چارو وزارت د مرکزي او سویلي اسیا له رئیسې سره وکتل

د کانونو او پټرولیم وزارت سرپرست شیخ الحدیث شهاب الدین دلاور په خپل کاري دفتر کې د مالیزیا هېواد د بهرنیو چارو وزارت د مرکزي او سویلي اسیا له رئیسې آغلې داتو دوکتور شازلینا او مل پلاوي سره په کتنه کې د دواړو هېوادونو پر اړیکو او په نورو بېلابېلو موضوعاتو په اړه خبرې وکړې.
د کانونو او پټرولیم وزارت سرپرست ورته د ښه راغلاست ترڅنګ د سرتاسري امنیت، د اسلامي امارت د اقتصاد محوره بهرنۍ پالیسۍ، د افغانستان پراخه کاني زېرمو او د پانګونې لپاره د مناسبو فرصتونو په اړه خبرې وکړې او همدا راز یې د پانګونې په برخه کې د اسانتیاوو رامنځته کولو یادونه وکړه او زیاته یې کړه چې ټول پانګوال کولای شي په ډاډ زړه او پوره روڼتیا سره د هېواد د کاني زېرمو په برخه کې پانګونه وکړي.
د مالیزیا هېواد د بهرنیو چارو وزارت د مرکزي او سویلي اسیا رئیسې او مل پلاوي د کانونو او پټرولیم وزارت له مېلمه پالنې څخه مننه وکړه همدا راز یې له افغانستان سره د سوداګرۍ د پراختیا او د افغانانو د ظرفیتونو لوړولو په برخه کې د همکارۍ ډاډ څرګند کړ.
په پای کې دواړو لورو د اړیکو او تعاملاتو په پراختیا ټینګار وکړ.