حمایت مردم ولایت کندهار از تطبیق پروژه پایپ‌لاین گاز تاپی

هیئتی از وزارت معادن و پترولیم/دفتر هماهنگی پروژۀ تاپی به تاریخ 15 الی 20 سرطان، 1398 به ولایت کندهار سفر نموده و با مقامات ولایت، اتحادیه‌های صنعت‌کاران، سرمایه‌گذاران، بزرگان اقوام، نمایندگان جامعه مدنی و مردم محل دیدار نمودند. در این سفر هیئت متذکره‌ در مورد پیشرفت‌های اخیر‌ پروژه انتقال گاز تاپی [به ویژه بخش‌های تخنیکی، حقوقی، اقتصادی و اجتماعی] و اشتراک جوامع محلی در مرحله تطبیق پروژه متذکره معلومات ارایه نمودند.

همچنان، همکاران تخنیکی دفتر هماهنگی پروژه تاپی، حین ملاقات‌شان با سرمایه‌گذاران، جوامع محلی و ادارات دولتی ولایت کندهار روی تأمین نیازمندی‌های انرژی و استفاده گاز پروژه تاپی برای رشد اقتصادی آن ولایت بحث و گفتگو نمودند.

وزارت معادن و پترولیم همواره برای فراهم نمودن امکانات برای اشتراک مردم محل در تطبیق پروژه‌های انکشافی متعهد می‌باشد.

#وزارت معادن وپترولیم #تاپی #توسعه اقتصادی #افغانستان