د کانونو او پټرولیم وزارت مالي او اداري مرستیال معرفي شو

firoz_admin
شنبه ۱۳۹۹/۵/۴ - ۱۴:۱۹
ddd

د کانونو او پټرولیم وزارت په پیشنهاد او د جمهوري ریاست د عالي مقام د ۹۸۸ شمېرې د حکم پر بنسټ، محمد حمید یوسفي د کانونو او پټرولیم وزارت د مالي او اداري مرستیال په توګه وټاکل شو چې د دې وزارت د سرپرست وزیر لخوا کارکونکو ته ور وپیژندل شو.

په هغو مراسمو کې چې د دغه وزارت د رهبرۍ، رئیسانو، سلاکارانو او میلمنو په ګډون په همدې مناسبت جوړ شوي و، د کانونو او پټرولیم وزارت سرپرست وزیر محمد هارون چخانسوري خبرې وکړې. هغه په خپلو خبرو کې مالي او اداري مرستیال ته مبارکې ورکړه او زیاته یې کړه چې د ده شتون به د وزارت په سطحه پروسې چټکې او ګړندۍ کړي.

محمد هارون چخانسوري وویل: نن ورځ د وزارت رهبري تکمیل شوه. زموږ مسؤولیت د کانونو په سکتور کې د تحرک ایجادول دي، ځکه چې دا سکتور د هېواد د اقتصاد په وده کې ارزښتناک رول لوبوي.

ورپسې نوي تعیین شوي مالي او اداري مرستیال محمد حمید یوسفي د حکومت له مشرتابه څخه د باور له امله مننه وکړه او ژمنه یې وکړه چې د یو اصل په توګه به سیستم د نننۍ ټکنالوژۍ پربنسټ جوړ کړي چې له امله به یې د وزارت کارونه اسان او پیاوړي شي.

هغه زیاته کړه: ټولو ارزښتونو ته د درناوي ترڅنګ به د عایداتو په راټولولو، د شکایاتو د اورېدو او هغو ته د رسېدو فرهنګ د ودې ترڅنګ د مکافاتو او مجازاتو د اصل رعایت او ظرفیت لوړونې ته پاملرنه کوي.

تازه خبرونه

چهارشنبه ۱۳۹۹/۵/۱۵ - ۱۳:۲۶
Background image

د کانونو او پټرولیم وزارت سرپرست په افغانستان کې د ملګرو ملتونو پراختیایي ادارې له مسئول سره وکتل

د کانونو او پټرولیم وزارت سرپرست محمد هارون چخانسوري نن له غرمې مخکې په افغانستان کې د ملګرو ملتونو پراختیایي ادارې (UNDP) مسوول عبدالله الدرداري سره په خپل کاري دفتر کې وکتل.

د کانونو. . .

چهارشنبه ۱۳۹۹/۵/۸ - ۸:۱۸
Background image

د ټاپي پروژې په اړه د افغانستان د ماموریت مشورتي غونډه ترسره شوه

د افغانستان حکومت، د آسیا پراختیايي بانک ADB ، او د ټي پي سي ال TPCL شرکت ترمنیځ د ټاپي پروژې د تطبیق او په افغانستان کې دیادې پروژې د ورستیو پرمختګونو، د آسیا پراختیايي بانک مالي مرستو. . .

سه‌شنبه ۱۳۹۹/۵/۷ - ۱۳:۳۹
Background image

محمد هارون چخانسوري: د افغانستان اقتصادي رفاه، ټولنیز پرمختګ، د منابعو څخه موثره استفاده او ددې بیرغ تر سیورې لاندې د افغانانو ګډ ژوند زمونږ لپاره مهم ارزښتونه دي


د کانونو او پټرولیم وزارت نن سهار د ملي بیرغ ورځ د یو لړ مراسمو په ترڅ کې ونمانځله. دغه مراسم چې د وزارت په انګړ کې ترسره شول، د کانونو او پټرولیم وزارت سرپرست محمد هارون چخانسوري، د. . .

بېرته خبرونه ته