د کانونو او پټرولیم وزارت کارکوونکو ته د وړتیاوو لوړولو روزنیز پروګرام وړاندې شو
د کانونو او پټرولیم وزارت د غیر فلزي کانونو د مدیریت او پلي کولو ریاست رئیس انجنیر ګل محمد له لوري د یاد ریاست نوي ګمارل شویو کارکوونکو ته د وړتیاوو لوړولو روزنیز پروګرام د پرزنټېشن په بڼه وړاندې شو.
په دې پروګرام کې کارکوونکو ته د اداري اصولو، مدیریتي چارو او نورو اړوندو موضوعاتو په اړه هر اړخیز معلومات وړاندې شول، څو نوي ګمارل شوي کارکوونکي وکولای شي له دې معلوماتو څخه په خپلو دندو کې اغېزمنه ګټه پورته کړي او خپلې چارې په سمه او مسلکي توګه ترسره کړي.
