د کانونو او پټرولیم وزارت سرپرست د ګاما شرکت له رئیس سره وکتل
د کانونو او پټرولیم وزارت سرپرست الحاج ملا هدایت الله بدري د یکشنبې په ورځ 1/7/1403 نېټې د ګاما شرکت له رئیس ښاغلي ضیاءالرحمن فراهي او مل پلاوي سره په خپل کاري دفتر کې وکتل.
د ياد شرکت مشر په افغانستان کې د پانګونې لپاره د مناسب چاپېريال د برابرولو له امله خوښي څرګنده کړه، د هېواد د سرب او جستو کانونو په برخه کې يې د پانګونې لېوالتيا څرګنده کړه.
د کانونو او پټرولیم وزارت سرپرست د دوی د لېوالتیا هرکلی وکړ ډاډ یې ورکړ، چې د کانونو د قانون او طرزالعمل له مخې به د پانګونې د زمینې برابرولو کې له دوی سره همکاري وکړي.
