د وزارت ستر سلا کار د کندهار د سمنټو له کارخونې لیدنه وکړه
د کانونو او پټرولیم وزارت ستر سلاکار انجنیر وحیدالله حلیمي د مقام د دفتر عمومي رئیس الحاج معراج محمد معراج او مل پلاوي د کندهار ولایت د شور اندام د سمنټو له کارخونې لیدنه وکړه.
د وزارت ستر سلاکار کندهار ولایت ته د خپل سفر په ترڅ کې یې د شور اندام د سمنټو له کارخونې څخه لیدنه وکړه دغه راز یې دیادې کارخونې مسوولینو ته د چارو د چټکتیا په موخه لازمې لارښوونې او سپارښتنې وکړې، د شور اندام د سمنټو کارخونې مسوولینو ډاډ څرګند کړ چې خپلې چارې به ژر بشپړې کړي.
د یادونې وړ ده چې د یادې کارخونې د چارو له بشپړېدو وروسته به ۵۰۰۰ کسانو ته په مستقیم او غیر مستقیم ډول د کار ز مینه برابره شي.
