د کانونو او پټرولیم وزارت رهبري غونډه ترسره شوه
د کانونو او پټرولیم وزارت د رهبري پلاوي غونډه د کانونو او پټرولیم وزارت د سرپرست شیخ الحدیث شهاب الدین دلاور په مشرۍ د 14/4/1403 نېټې د پلان او پالیسۍ مرستیال شیخ ضیاء الرحمن الاریوبي او رئیسانو په ګډون ترسره شوه.
د غونډې په پیل کې د تېرې ناستې پرېکړې تعقیب شوې، همدا راز د یو شمېر ریاستونو د راتلونکو پلانونو او فعالیتونو په اړه یې بحث او خبرې وکړې، ورپسې د مقام د دفتر رئیس له لوري د کانونو د قراردادیانو او یو شمېر ریاستونو ستونزې او وړاندیزونه واورول شول همدا راز د ریاستونو د کارونود ښه والي په موخه په یو لړ نورو مهمو موضوعاتو په اړه باندې یې بحث او نظرونه شریک کړل.
په پای کې د کانونو او پټرولیم وزارت سرپرست د فعالیتونو د لاښه پلي کېدو په موخه لازمې لارښوونې وکړې.
