د کانونو او پټرولیم وزارت سرپرست د لوګر پوهنتون له رئیس سره وکتل
د کانونو او پټرولیم وزارت سرپرست شیخ الحدیث شهاب الدین دلاور د لوګر پوهنتون له رئیس مفتي ضیاء احمد صارم او مل پلاوي سره په خپل کاري دفتر کې وکتل.
د لوګر پوهنتون رئيس د کانونو او پټرولیم وزارت له سرپرست سره په لیدنې خوښي څرګنده کړه دیاد وزارت د کارونو او لاسته راوړنو ستاینه یې وکړه، دغه راز یې د پوهنتون د سړک د جوړولو او د زده کړیالانو د عملي کار په موخه د وزارت له سرپرست سره خپل وړاندیزونو شریک کړل.
د کانونو او پټرولیم وزارت سرپرست په اوسني وخت کې عصري زده کړې اړینې وبللې زیاته یې کړه: موږ باید عصري علم ته ډېره پا ملرنه وکړو، هغه همدا راز دهغوی د وړاندیزونو له اورېدو څخه وروسته د زده کړیالانو د عملي روزنې په موخه ورسره د همکاریو ژمنه وکړه.
