د کانونو او پټرولیم وزیر د افغانستان د صنایعو او کانونو خونې پلاوي د پېژندنې په غونډه ګډون وکړ
د کانونو او پټرولیم وزیر الحاج ملاهدایت الله بدري د افغانستان د صنایعو او کانونو خونې مدیره پلاوي د پېژندنې په غونډې د ګډون سربېره وینا وکړه.
ښاغلي وزیر صاحب په خپلو خبرو کې وویل صنعتکاران باید په خپل تولید کې کیفیت ته پاملرنه وکړي او دغه راز د تجارت او صنعت ترمنځ برابري په پام کې ونیسي نوموړي له سوداګرو او صنعتکارانو سره ژمنه وکړه چې دوی ته به په خپلو چارو کې اسانتیاوې رامنځته کړي.
په پای کې یې صنعتکارانو او سوداګرو ته د چارو د لاښه والي په موخه د همکاریو ډاډ ورکړ.
