د نورستان ولایت د قیمتي او نیمه قیمتي ډبرو د پلور داوطلبۍ ترسره شوه

د نورستان ولایت د دواب ولسوالۍ ماوي کان د قیمتي او نیمه قیمتي ډبرو د پلور داوطلبۍ دیاد ولایت د کانونو رئیس مولوي سید رحیم د کمېټې غړو سیمه یزو مسوولینو د ولایتي ادارو د بېلا بېلو ریاستونو استازو په شتون کې دیوې رڼې پروسې په ترڅ کې یې د پلور داوطلبي ترسره شوه.
په دغه داوطلبۍ کې د کونزېټ او بېروجو ډبرې د(42,814,500) دوه څلوېښت میلیونه اته سوه څوارلس زره پنځه سوه افغانیو په قیمت سره و پلورل شوې، چې په کې د اسلامي امارت ونډه(4,281,450) څلور میلیونه دوه لکه یو اتیا زره څلورسوه پنځوس افغانۍ ده.