د کانونو او پټرولیم وزارت سرپرست د ولایتونو د کانونو له یو شمېر رئیسانو سره وکتل

د کانونو او پټرولیم وزارت سرپرست الحاج ملا هدایت الله بدري د شنبې په ورځ د 5/8/1403 نېټې د مالي او اداري مرستیال مولوي حسام الدین صابري او رئیسانو په شتون کې، د ولایتونو د کانونو له یو شمېر رئیسانو سره په خپل کاري دفتر کې وکتل.

د کانونو او پټرولیم وزارت سرپرست د ولایتونو د کانونو رئيسانو ته د ښه راغلاست ترڅنګ د کانونو وزارت د کاري پلانونو په اړه خبرې وکړې او زیاته یې کړه: د موخو په ترلاسه کولو کې باید خپلې اړوندې چارې په روڼتیا او له یو بل سره په همغږۍ او همکارۍ ترسره کړئ.

په پای کې یادو رئیسانو د خپلو کارونو او فعالیتونو په اړه هر اړخیز معلومات وړاندې کړل او د اړوندو ریاستونو د کاري اجراتو د ښه والي په موخه یې خپلې ستونزې او وړاندیزونه شریک کړل، د کانونو او پټرولیم وزارت سرپرست د یادو ستونزو په حل کې ورسره د همکاریو ژمنه وکړه.