د کانونو او پټرولیم وزارت سرپرست د هرات ولایت د کانونو له ریاست څخه لیدنه وکړه
د کانونو او پټرولیم وزارت سرپرست الحاج ملا هدایت الله بدري د یکشنبې په ورځ (25/6/1403) نېټې د هرات د کانونو ریاست له کارکوونکو سره وکتل.
د هرات د کانونو رئیس ورته د ښه راغلاست تر څنګ د دغه ریاست کاري راپور او لاسته راوړنې واورولې او د چارو د ښه والي په موخه یې خپل وړاندیزونه او نظریات له سرپرست وزیر سره شریک کړل.
د کانونو او پټرولیم وزارت سرپرست د یاد ولایت د کانونو ریاست د کړنو او فعالیتونو ستاینه وکړه، د بېلابېلو برخو ستونزې او نظریات یې واورېدل او د حل په برخه کې یې ورسره د همکارۍ ژمنه وکړه.
