کانونو او پټرولیم وزارت سرپرستوزیر ښاغلي عنایتالله مومند په افغانستان کې د چین له سفیر سره وکتل
کانونو او پټرولیم وزارت سرپرستوزیر ښاغلي عنایتالله مومند د دوست هیواد چین سفیر ښاغلي وانگیو سره په خپل کاري دفتر کې وکتل؛ د دې لیدنې هدف د چین هیواد له لورې د افغانستان په صنایع استخراجي سکټور کې د فعاله پروژو په سمه توګه تطبیق او په سکټور کې د چین د اقتصادي رول او ارزښت په اړه خبرې اترې وشوي.
د کانونو او پټرولیم وزارت سرپرستوزیر ښاغلي عنایتالله مومند د آمو دریا د پروژې سربیره د مس عینک د پروژې د وضعیت په اړه د چین سفیر ته معلومات ورکړل او زیاته يي کړه چې هڅه مو داده چې د یادو پروژو د عملي کولو لپاره د صنایع استخراجي سکټور تګلاره په سمه توګه تطبیق کړو؛ ښاغلي مومند زیاته کړه چې د چین هیواد شرکتونه د هایدروکاربن پروژو کې هم کار کوي او پدې ورستیو کې يي په شبرغان کې د دوه څاګانو پروژه په سمه توګه تطبیق کړه.
د چین سفیر ښاغلي وانگیو وویل مونږ به د سکټور د پراختیا لپاره په ظرفیت جوړونه برخې سربیره خپل پانګوال وهڅو چې پدې مهم اقتصادي سکټور پانګونه وکړي.
#کانونواوپټرولیموزارت #MoMP
