محمد هارون چخانسوري: د استخراجي صنایعو سکتور په تخنیکي برخو کې د ښځو د ظرفیت لوړولو پروګرامونه په پام کې لرو
د کانونو او پټرولیم وزیر محمد هارون چخانسوري نن سهار د ولسي جرګې د بشري حقونو، مدني ټولنې او د ښځو چارو کمېسیون په بلنه، د دغه کمیسیون رهبري پلاوي او غړو سره وکتل.
د یاد کمېسیون رئیسې ناهید فرید د کانونو او پټرولیم وزارت مشرتابه او همکارانو ته د ښه راغلاست ترڅنګ د استخراجي صنایعو سکتور کې د ښځو د مانادارې ونډې او اغېزناک ګډون په اړه خپل وړاندیزونه شریک کړل.
د کانونو او پټرولیم وزیر محمد هارون چخانسوري وویل: په وزارت کې د ښځو لپاره د خوندي چاپیریال رامنځته کولو ته د ژمنتیاله مخې مو په تېرو پنځو میاشتو کې د جنډر جامع طرزالعمل ترتیب کړ.
ښاغلي چخانسوري د کانونو صنعت کې د ښځو د اغېزناکې ونډې تضمین ته په اشارې وویل، د استخراجي صنایعو سکتور په تخنیکي برخو کې د ښځو د ظرفیت لوړولو پروګرامونه په پام کې لرو چې پروسس او مدیریت کې هم ګډون ولري.
