له کارکوونکو سره د کانونو او پټرولیم وزارت سرپرست لیدنه
د کانونو او پټرولیم سرپرست وزیر شېخ الحدیث شهاب الدین دلاور د سه شنبې په ورځ د 1/9/1401 نېټې د یاد وزارت له هغو کارکوونکو سره چې د ماسټرۍ تر کچې زده کړې کړي دي ورسره ناسته وکړه.
په دغه ناسته کې د کانونو او پټرولیم وزارت تخنیکي مرستیال انجنیر وحیدالله حلیمي، د پلان او پالیسۍ مرستیال شېخ ضیاءالرحمن الاریوبي او یو شمېر رئیسانو پکې ګډون درلوده. په پيل کې سرپرست وزیر کارکوونکو ته په ټولو برخو کې د بریالیتوب غوښتنه وکړه او باید د کانونو او پټرولیم وزارت موخو ته د رسېدو لپاره کارکوونکي له پخوا زیاتې هڅې وکړي. او همدارنګه یې وویل چې ټول کارکوونکي باید د هیواد اقتصادي ودې او د موخو تر لاسه کولو لپاره له پخوا څخه زیات کار وکړي.
د کانونو او پټرولیم وزارت سرپرست د ماسټرې لرونکي کارکوونکي د هیواد سرمایه وبلله او وویل: موږ هڅه کوو چې ټول کارکوونکي په ځانګړې توګه هغه کسان چې د ماسټرۍ سند یې تر لاسه کړی د خپلې تحصلي رشتې په مطابق د همدې وزارت په مربوطاتو کې دنده تر سره کړي.
په پای کې د اداري فساد پر ناوړه پايلو خبرې وکړې او د وزارت له کارکوونکو يې وغوښتل چې په خپلو ورځنيو چارو کې تقوا غوره کړي او له اداري فساد سره د مبارزې په برخه کې خپل ديني او وجداني مسووليتونه ادا کړي.
