د کانونو او پټرولیم وزارت سرپرست د پنجشېر د کانونو له ریاست څخه لیدنه وکړه
د کانونو او پټرولیم وزارت سرپرست الحاج ملا هدایت الله بدري او ورسره مل پلاوی پنجشېر ولایت ته د خپل سفر په ترڅ کې یې دیاد ولایت د کانونو له ریاست څخه لیدنه وکړه.
د کانونو او پټرولیم وزارت سرپرست د پنجشېر ولایت د کانونو ریاست ته د خپل سفر په ترڅ کې د دوی د فعالیتونو، کارونو، ستونزو او وړاندیزونو د اورېدو ترڅنګ یې د پنجشېر ولایت د کانونو ریاست مسوولینو ته د زمردو د کانونو د اغېزمن مدیریت او کان کیندنې ښه تنظیم په اړه لازمې لارښوونې وکړې.
همدا راز د کانونو او پټرولیم وزارت سرپرست د خپل سفر پر دوام د پنجشېر ولایت له کاني سیمو په ځانګړي توګه د نقره خانه اوسپنې کان څخه هم لیدنه وکړه.
