د کانونو او پټرولیم وزارت سرپرست د نفرایټو کانونو له قراردادیانو سره وکتل
د کانونو او پټرولیم وزارت سرپرست شیخ الحدیث شهاب الدین دلاور په خپل کاري دفتر کې د ننګرهار ولایت د نفرایټو کانونو له قراردادیانو سره وکتل.
په دې ناسته کې د نفرایټو کانونو قراردادیانو د نفرایټو کانونو د استخراج د طرحې او کاري پلان په اړه لنډ معلومات وړاندې کړل او د چارو د لا ښه والي په موخه یې خپلې ستونزې او وړاندیزونه د وزارت له مشرتابه سره شریک کړل.
د کانونو او پټرولیم وزارت سرپرست د دوی د ستونزو او وړاندیزونو له اورېدو څخه وروسته ډاډ ورکړ، چې د دوی ستونزې او وړاندیزونه به رسېدنه وشي او دغه راز یې د قراردادیانو د رویالیټي او پورونو د ورکړې په اړه ټینګار وکړ.
