د کانونو او پټرولیم وزارت سرپرست د تاتارستان جمهوریت د لومړي وزیر له مرستیال سره وکتل

kamran2_admin
چهارشنبه ۱۴۰۴/۵/۱۵ - ۱۶:۳۴
news

د کانونو او پټرولیم وزارت سرپرست الحاج ملا هدایت الله بدري د چهار شنبې په ورځ د ۱۴۰۴ لمریز کال د زمري میاشتې په ۱۵مه نېټه د مالي او اداري مرستیال مولوي حسام الدین صابري یو شمېر رئیسانو په شتون کې د تاتارستان جمهوریت د لومړي وزیر له مرستیال د صنعت او سوداګرۍ له وزیر اولیګ ولادیمرو ویچ کورو بچینکو او مل پلاوي سره د وزارت د غونډو په تالار کې وکتل.
په دې لیدنه کې دواړو لورو د افغانستان او تاتارستان د ګډو اقتصادي اړیکو او پانګونې پیاوړتیا په موخه خبرې وکړې.
د تاتارستان د لومړي وزیر مرستیال د خپل هېواد د کمپنیو په اړه معلومات وړاندې کړل زیاته یې کړه:  زموږ شرکتونه د نفتو، اوسپنې او سر زرو په برخه کې د ښو تجربو په لرلو سره په بېلابېلو هېوادونو کې کار کوي او ژمن یو چې دافغانستان د کانې زېرمو په برخه کې ګډې همکارۍ او د پانګونې په برخه کې کار وکړو دغه راز یې د نفتو، جستو، اوسپنې او سروزرو کانونو په برخه کې د پانګونې په موخه لېوالتیا څرګنده کړه.
د کانونو او پټرولیم وزارت سرپرست د کاني زېرمو په برخه کې د دوی د لېوالتیا هر کلی وکړ ویې ویل: افغانستان پراخه کاني زېرمې لري تاسې کولای شئ چې د کاني زېرمو د سروې، د ګازو او نفتو د استخراج او پروسېس کارخونو جوړولو کې پانګونه وکړئ موږ چمتو یو چې تاسو ته د افغانستان د کاني زېرمو په برخه د پانګونې په موخه اسانتیاوې رامنځته کړو او ګډو همکاریو ته دوام ورکړو.
په پای کې دواړو لورو د ګډو تخنیکي ټیمونه پر جوړولو د کانونو د سروې، اکتشاف او کیندنې په برخه کې د همکاریو پر دوام ټینګار وکړ.

تازه خبرونه

پنجشنبه ۱۴۰۴/۶/۶ - ۱۱:۴۳
Background image

د کانونو او پټرولیم وزیر د سیتوایا کمپنۍ څخه لیدنه وکړه

د کانونو او پټرولیم وزیر الحاج ملا هدایت الله بدري د لوړ پوړي پلاوي په مشرۍ، چې د امارتي شرکتونو عمومي رئیس مولوي احمد جان بلال یې هم ملتیا کوله د تاتارستان پلازمېنې کازان کې د برېښنايي. . .

چهارشنبه ۱۴۰۴/۶/۵ - ۱۶:۳۹
Background image

د کانونو او پټرولیم وزارت اداري غونډه ترسره شوه

د کانونو او پټرولیم وزارت اداري غونډه د مالي او اداري مرستیال مولوي حسام الدین صابري په مشرۍ، د یو شمېر رئیسانو او مسوولینو په ګډون د چهارشنبې په ورځ د ۱۴۰۴لمریز کال د وږي میاشتې په ۵مه. . .

چهارشنبه ۱۴۰۴/۶/۵ - ۱۱:۲۰
Background image

د کانونو او پټرولیم وزیر د تاتارستان د نفتو ګازو او کیمیاوي صنعتي فورم کې ګډون وکړ

د کانونو او پټرولیم وزارت وزیر الحاج ملاهدایت الله بدري د لوړپوړي پلاوي په مشرې د تاتارستان جمهوریت په رسمي بلنه د یاد هېواد د نفتو، ګازو او کیمیاوي صنعتي فورم کې د ګډون پر مهال وینا. . .

بېرته خبرونه ته