د کانونو او پټرولیم وزارت سرپرست د افچین او CAPEIC کمپنۍ له رئیسانو سره وکتل
د کانونو او پټرولیم وزارت سرپرست شیخ الحدیث شهاب الدین دلاور د CAPEIC او افچین کمپنۍ له رئیسانو او مل پلاوي سره وکتل.
د افچین کمپنۍ رئیس د ۲۰۲۴ کال لپاره د کاري پلانونو، د حسابونو د تصفیې، د ۱۴۰ کیلومتره مربع د 3 بعدي سروې چې د بشپړېدو په حال کې ده او نورو موضوعاتو په اړه لنډ معلومات وړاندې کړل، دغه راز د کمپنۍ اړوند ستونزې او وړاندیزونه یې د وزارت له مشرتابه سره شریک کړل.
د کانونو او پټرولیم وزارت سرپرست د دوی د لاسته راوړنو، فعالیتونو او ستونزو د راپور له اورېدو وروسته د هر اړخیزې همکارۍ ډاډ ورکړ او په کارونو کې یې په پرمختګ او روڼتیا سربېره د چارو د لا ښه والي په موخه لازمې لارښوونې وکړې.
