د کانونو او پټرولیم وزارت سرپرستوزیر د غږیز کنفرانس له لارې د ټاپي د ګازو پایپ لاین د تطبیق د لړۍ په سرعت بحث وکړ
د کانونو او پټرولیم وزارت سرپرستوزیر محمد هارون چخانسوري نن د غږیز کنفرانس له لارې د ټاپي پروژې د بورډ د غړي او د افغانستان بانک سرپرست ښاغلي اجمل احمدي، د وزارت تخنیکي معین او په وزارت کې د ټاپي پروژې مسئول په ګډون، د آسیا پرمختیایي بانک (ADB) او د ټاپي پایپلاین لمېټېډ شرکت (TPCL) له غړو سره د ټاپي د ګازو پایپ لاین د تطبیق د لړۍ په سرعت بحث وکړ.
په دغه غونډه کې د آسیا پرمختیایي بانک د مالي همکاريو په اړه خبرې وشوې او تصمیم ونیول شو چې د ټاپي پروژې د تطبیق په هکله د حکومت ژمنتیا ته په پاملرنې سره، کاري ډلې د ټاپي پروژې د کار د لړۍ د چټک تطبیق لپاره عملي او بېړني اقدامات ترسره کړي.
