د څو اړخیز ګروپ MSG پنځوسمه غونډه ترسره شوه

firoz_admin
چهارشنبه ۱۴۰۰/۱/۱۱ - ۸:۱۳
ccc

د کانونو او پټرولیم وزارت د پالیسۍ او استخراجي برنامو د تسهیل معین محمد عتیق ذکي په مشرۍ د څو اړخیز ګروپ پنځوسمه غونډه، نن سهار د کانونو او پټرولیم وزارت د موزیم په تالار کې ترسره شوه.

په دې غونډه کې، د کلني راپور د پرمختګ، د کار او عمل پلان، د وظایفو د لایحې، عملیاتي پروسیجر او د اړیکو سټراټیژۍ په اړه بحث وشو.

د کانونو او پټرولیم وزارت د پالیسۍ او استخراجي برنامو د تسهیل معین محمد عتیق ذکي د غونډې ګډونوالو ته د ښه راغلاست ترڅنګ، وویل: په دې وروستیو کې څو اړخیز ګروپ، د عوایدو په راټولولو کې د روڼتیا د تامین، د قراردادونو او د ګټه اخیستونکو مالکانو د معلوماتو د افشاء او د AEITI د راپور د ترتیبولو په برخو کې ښې لاسته راوړنې درلودې.

محمد عتیق ذکي د ګروپ له غړو وغوښتل چې خپل مسئولیتونه په سمه توګه ترسره کړي ترڅو د EITI د تعهداتو په پروسه کې سکتګي رامنځته نه شي.

د غونډې په پای کې پرېکړه وشوه چې پورته ذکر شوي اسناد دې په راتلونکې یوه اوونۍ کې د نظریاتو وړاندې کولو په موخه، د څو اړخیز ګروپ د غړو لخوا مطالعه شي ترڅو په نهایي اسنادو کې د دوی نظریات ځای پر ځای شي.

تازه خبرونه

سه‌شنبه ۱۴۰۰/۲/۲۱ - ۱۳:۳۱
Background image

د وروستیو تروریستي پېښو د شهیدانو روح ته د دعا په موخه، د کانونو او پټرولیم وزارت کې د قرآن عظیم الشان ختم ترسره شو

د جمهوري ریاست د عالي مقام په لارښونه، د وروستیو تروریستي پېښو د شهیدانو روح ته د دعا په موخه، د کانونو او پټرولیم وزارت کې د قرآن عظیم الشان ختم ترسره شو.

په دغو مراسمو کې د کانونو او. . .

شنبه ۱۴۰۰/۲/۱۸ - ۸:۴۶
Background image

د کټواز د رسوبي حوزې (د نفت او ګازو احتمالي حوزه) سروې، له ۴۰ کلن انتظار وروسته د حکومت په بودیجه ترسره کیږي

د افغانستان د اسلامي جمهوریت جمهوررئیس محمد اشرف غني په مشرۍ د تدارکاتو کمیسیون غونډې، د کټواز د رسوبي حوزې (د نفت او ګازو احتمالي حوزه) د سروې پروژه، تایید کړه.

د ۴۰ زره کیلومتر مربع. . .

شنبه ۱۴۰۰/۲/۱۸ - ۸:۴۴
Background image

د لومړي ځل لپاره د افغانستان د قیمتي او نیمه قیمتي ډبرو، پېر او صادراتو ته زمینه برابره شوه

د افغانستان د اسلامي جمهوریت جمهوررئیس محمد اشرف غني په مشرۍ د اقتصاد د عالي شورا د ۱۵/۲/۱۴۰۰ نېټې لومړۍ غونډې د قیمتي او نیمه قیمتي ډبرو د پېر او صادراتو د اسانتیا طرزالعمل تایید کړ.

. . .

بېرته خبرونه ته