د افغان مهاجرینو لپاره د کانونو او پټرولیم وزارت د 85 خالي بستونو اعلان:

د کانونو او پټرولیم وزارت د رهبرۍ د پرېکړې له مخې، چې کار اهل کار ته سپارل، د لا زیاتو متخصصینو جذب، د کاري فرصتونو برابرول او له هغو مهاجرینو سره د خواخوږي لپاره چې په دې وروستیو کې هیواد ته راستانه شوي د وزارت 35 مرکزي او 50 ولایتي دریم، څلورم او پنځم رتبه بستونه د ازادې سیالۍ له لارې اعلان ته سپاري. 
هغه افغان مهاجرین چې تازه خپل هیواد ته راستانه شوي، تذکره، تحصلي اسناد او د کډوالۍ کمیسیونه تائیدي ولري، کولی شي د کانونو او پټرولیم وزارت د استخدام په پروسه کې د دغه لینک (https://momp.gov.af/dr/all-vacancies) له لارې برخه واخلي. او د کارموندنې فورمونه او د دندې لایحې چې د کانونو او پټرولیم وزارت په وېب پاڼه کې دي تر لاسه کړي.