د افغانستان په صنایع استخراجي کې د روڼتیا نوښت عملیاتي پلان اونيزه ناسته ترسره شوه
د افغانستان په صنایع استخراجي کې د روڼتیا نوښت (AEITI) اونيزه ناسته د کانونو او پټرولیم وزارت د پالیسیو او برنامو مرستیال ښاغلي وليالله ځدراڼ په مشرۍ، د دې وزارت د کنفرانسونو په تالار کې ترسره شوه.
په دې ناسته کې د 2019 کال د روڼتیا نوښت په پلان کې د ترسره شويو فعالیتونو، د نه بشپړ شويو پلانونو، افغانستان ته د بیا اعتبار غوښتنې، د شپږم راپور د ځنډوالي او د روڼتیا نوښت د اووم راپور د چمتو والي په اړه بحث وشو.
د ناستې په پای کې، د وزارت مرستیال لخوا ګډونوالو ته د روڼتیا نوښت په نړیوالو معیارونو کې افغانستان ته د یو ځل بیا غړیتوب ورکونې په اړه لازمې لارښوونې واورول شوې.
