د آمو دریا نفتي حوزې ورځنی استخراج 1350 ټنو ته لوړ شو

firoz_admin
چهارشنبه ۱۴۰۲/۱۲/۹ - ۸:۴۶
ss

په آمو دریا نفتي حوزه کې د 6 نویو څاه ګانو په کیندلو او فعالولو سره د څاه ګانو شمېر 24 ته ورسېد، چې په دې سره د استخراج ورځنۍ کچه 1350 ټنو ته لوړه شوه.
د آمو دریا نفتي حوزه د هېواد په شمال سرپل، جوزجان او فاریاب ولایتونو کې موقعیت لري.
چې اوس مهال په قشقري بلاک کې 15 څاه ګانې، په انګوت بلاک کې 6 څاه ګانې او په آق دریا کې 3 څاه ګانې فعالې دي، چې دنفتو ورځنی استخراج یې 1350 ټنو ته رسېږي او د یادو نفتو تصفیه د هېواد دننه د خصوصي سکټور له لوري ترسره کېږي.
د یادونې وړ ده چې په آمو دریا نفتي حوزه کې د سړکونو، ودانیو، نفتي زېرمو د جوړولو تر څنګ په بېلا بېلو سیمو کې دوه بعدي او درې بعدي سروې هم روانه ده.
همدا رنګه د 2024 میلادي کال تر پایه پورې به په قشقري کې 12 څاه ګانې، په زمرد سای کې 8 څاه ګانې، په بازار کمي کې 1 څاه او په آق دریا کې به 2 څاه ګانې وکیندل شي، چې په دې سره به د فعالو څاه ګانو شمېر 47 ته لوړ شي او ورځنی استخراج به 3000 ټنو ته ورسېږي.
همدا راز اوس مهال په آمو دریا نفتي حوزه کې 1500 تنه په مستقیم او غیر مستقیم ډول په کار بوخت دي او په راتلونکې کې به د کاري ساحې په پراختیا سره ډېر کاري فرصتونه برابر شي.

تازه خبرونه

دوشنبه ۱۴۰۴/۱۲/۲۷ - ۱۶:۵۴
Background image

د کانونو او پټرولیم وزارت سرپرست د قزاقستان هېواد له ډیپلوماتانو سره وکتل

د کانونو او پټرولیم وزارت سرپرست الحاج ملا هدایت الله بدري د دوشنبې په ورځ د ۱۴۰۳/۱۲/۲۷ نېټې په خپل کاري دفتر کې د قزاقستان هېواد له ډیپلوماتانو سره وکتل.
د یاد هیواد ډیپلوماتانو د. . .

دوشنبه ۱۴۰۴/۱۲/۲۷ - ۱۶:۲۱
Background image

د کانونو او پټرولیم وزارت سرپرست د چین هېواد له سفیر سره وکتل

د کانونو او پټرولیم وزارت سرپرست الحاج ملا هدایت الله بدري د دوشنبې په ورځ د ۱۴۰۳/۱۲/۲۷ نېټې په خپل کاري دفتر کې د چین هېواد له سفیر او مل پلاوي سره وکتل.
د کانونو او پټرولیم وزارت. . .

دوشنبه ۱۴۰۴/۱۲/۲۷ - ۹:۱۲
Background image

د کانونو او پټرولیم وزارت سرپرست د ګرین ټري شرکت له استازو سره وکتل

د کانونو او پټرولیم وزارت سرپرست الحاج ملا هدایت الله بدري د یکشنبې په ورځ د ١٤٠٣/١٢/٢٦ نېټې په خپل کاري دفتر کې د روسیې او ایران ګرین ټري شرکت له شریکانو محمدصبوري او دینس کولومین سره. . .

بېرته خبرونه ته