د کانونو او پټرولیم وزارت د کارکوونکو د یو کلنو کړنو د ارزونې بهیر پیل شو
د کانونو او پټرولیم وزارت د ارزونې ټاکلې کمېټې د ملکي خدمتونو د لارښوونو او کړنلارو پر بنسټ او د چارو ادارې د اصلاحاتو او ملکي خدماتو اداره په همکارۍ، د چهارشنبې په ورځ په ۱۴۰۴/۴/۱۱ نېټه د وزارت د مقام اړوند ریاستونو د درېیمو او څلورمو بستونو کارکوونکو د یو کلنو کړنو ارزونه د یاد ادارې د استازي په شتون کې ترسره شوه.
دغه ارزونه د اړوندو کارکوونکو له خوا د وړاندې شوي کاري پلان سره سم ترسره شوه. د یادو کارکوونکو د ارزونې موخه د کاري بهیر د ستونزو پېژندل، د قوت او ضعف ټکي معلومول، د ارتقاء په اړه پرېکړه کول، د هڅونې کچه لوړول، د راتلونکو موخو ټاکل او د کارکوونکو تر منځ د اړیکو ښه کول دي.
