زابل ولایت ته د کانونو او پټرولیم وزارت د پلان او پالیسي مرستیال سفر
د کانونو او پټرولیم وزارت د پلان او پالیسي مرستیال شیخ ضیاءالرحمن الاریوبي وړمه ورځ زابل ولایت ته په یو رسمي سفر ولاړ.
د یاد سفر موخه د زابل ولایت له والي الحاج مولوي محب الله حماس، امنیه قومندان، د استخباراتو ریاست مرستیال، د کانونو رئیس او نورو اړوندو ادارو رئیسانو سره د کتنې ترڅنګه د زابل ولایت د کاني زېرمو ساتنې او څارنې لپاره شته ستونزو ته درسېدو په موخه د یوې ګډې کمېټه د جوړېدو ترڅنګ یې له کاني زېرمو څخه سمه ګټه اخیستل د غیر قانوني کیندنو مخنیوی، د وزارت د پلان او کاري طرزالعمل سره سم د کانونو د استخراج په اړه یې خبرې وکړې زیاته یې کړه: اسلامي امارت د کانونو د رونټیا په برخه کې محتاتانه او جدي عمل کوي.
همدارنګه د کانونو او پټرولیم وزارت د پلان او پالیسي مرستیال له لوري د زابل ولایت د کانونو د څارنې اوساتنې لپاره د یاد ولایت د والي په مشرۍ د یوې ګډې کمېټې، چې پکې د زابل ولایت (امنیه قومنداني،استخبارات،کانونو ریاست،مستوفیت،اقتصاد، کرنه،چاپیریال ساتنې، سوداګري او صنعت) شامل دي جوړه کړه او زیاته یې کړه: یاده کمېټه د کانونو د غیرقانوني استخراج، قاچاق مخنیوی او د کانونو د استخراج په برخه کې د چټکتیا په موخه جوړه شوې او غوښتنه یې وکړه، چې سیمه یز ارګانونو دې له یادې کمېټې سره همکاري وکړي، ټولو اړوندو ادارو ورسره د همکاریو ژمنه وکړه.
