د قوانینو او پالیسیو او د هغې د تطبیق د څارنې لپاره د روزنیز پروګرام جوړول
د کانونو او پټرولیم وزارت د بشري سرچینو ریاست د اداري اصلاحاتو او ملکي خدمتونو له ریاست سره په همغږۍ د ۶۰ تنو د دوهم او دریم بستونو کارکوونکو د پوهاوي په موخه د قوانینو او پالیسیو تر سرلیک لاندې د مالي او اداري مرستال مولوي حسام الدین او د بشري سرچینو ریئس احمد ضیا خاکسار په ګډون نن یکشنبه 20/6/1401 نېټې د یاد وزارت د غونډو په تالار کې پنځه ورځنی روزنیز پروګرام جوړ کړ.
غونډه د رسنیو ټیم د آمر قاري عبدالحکیم له خوا د قرانکریم د څو مبارکو آیاتونو په تلاوت سره پیل او ورپسې د مالیې او اداري مرستیال مولوي حسام الدین له خوا رسماً پرانیستل شوه. او ټولو ګډونوالو ته د ښه راغلاست تر څنګ د یاد پروګرام په اړه لنډې خبرې وکړې.
ورپسې د اداري چارو د اصلاحاتو او ملکي خدمتونو د حقوقي چارو مرستیال انجنییر ویس الدین ویس د غونډې ګډونوالو ته د ښه راغلاست وویل او له ټولو کارکوونکو څخه هیله وکړه چې له دې فرصت څخه سمه ګټه پورته کړي او په پیل شوي پروګرام کې برخه واخلي، څو د خپلو ظرفیتونو په لوړولو سره خلکو او هېواد ته ښه خدمات وړاندې کړي.
په پای کې د ادارې د قوانینو او پالیسیو او د هغې د تطبیق د څارنې اړوند روزنیز پروګرام د قوانینو او حقوقي اسنادو د تطبیق د څارنې آمر ښاغلي حیات الله محمدي له خوا د پریزنټیشن په بڼه د غونډې ګډونوالو ته وړاندې شو.
