د بغلان ولایت د دوو سیمو د ګچ ډبرو د کانونو داوطلبي
د کانونو او پټرولیم وزارت د بغلان ولایت د دوو سیمو د ګچ ډبرو کانونو داوطلبي نن د 28/4/1401 نېټې د وزارت په مقام کې په شفافه توګه تر سره کړه.
یاد وزارت د شېخ جلال او نیزار سیمو د ګچ ډبرو کانونه چې مخکې اعلان ته سپارلي وو چې د پلان او پالیسي معین شېخ الحدیث ضیاء الرحمان آریوبي په مشرۍ او د موظف هیئت او هغو شرکتونو په شتون کې چې د پروپوزلو په ارزونه کې د داوطلبۍ شرایط پوره کړي وو په شفافه ټوګه تر سره کړه.
په دغه داوطلبۍ کې اسکای آریا شرکت د شېخ جلال د ګچ ډبرو پروژه د (725) افغانیو او د نیزار پروژه د (690) افغانیو په ارزښت ګټونکی شو.
