محمد هارون چخانسوري: موږ د هېواد د استخراجي صنایعو په سکتور کې د کورنۍ او بهرنۍ پانګونې د جلبولو لپاره د اسانتیاو په برابرولو تمرکز کوو

firoz_admin
شنبه ۱۳۹۹/۱۰/۲۰ - ۹:۱۵
1234

د کانونو او پټرولیم وزیر محمد هارون چخانسوري نن سهار د انډونیزیا د سوداګرۍ او صنایعو د خونې له مسئولینو سره د افغانستان د استخراجي صنایعو په سکتور کې د شته فرصتونو په اړه د ویډیوکنفرانس له لارې خبرې وکړې.

په دغه کتنه کې په انډونیزیا کې د افغانستان سفیر فیض الله ذکي، په کابل کې د انډونیزیا سفیر ډاکټر عارف رحمان او د انډونیزیا د سوداګرۍ او صنایعو د خونې رئیس فخري طیب ګډون درلود.

په پیل کې د کانونو او پټرولیم وزیر محمد هارون چخانسوري د دواړو هېوادونو ترمنځ نېکو اړیکو ته په اشارې، د افغانستان د استخراجي صنایعو په سکتور کې د انډونیزیا د لېوالتیا څخه مننه وکړه او په دغه سکتور کې یې د شته فرصتونو په اړه هراړخیز معلومات وړاندې کړل.

د کانونو او پټرولیم وزیر د پانګونې لپاره د پایداره او اعتماد وړ حقوقي او پالیسۍ چارچوب جوړولو ته په اشارې وویل: موږ د هېواد د استخراجي صنایعو په سکتور کې د کورنۍ او بهرنۍ پانګونې د جلبولو لپاره د اسانتیاو په برابرولو تمرکز کوو.

د غونډې په لړ کې، په جاکارتا کې د افغانستان د اسلامي جمهوریت سفیر فیض الله ذکي او په کابل کې د انډونیزیا سفیر ډاکټر عارف رحمان د دواړو هېوادونو د اړیکو په پراختیا کې د پانګونې د رول په اړه، خبرې وکړې.

د غونډې په پای کې پرېکړه وشوه چې دواړه لوري به تخنیکي ټیمونه ایجادوي ترڅو د کانونو او نفت او ګازو د پروژو په اړه منظم بحثونه ترسره کړي.

تازه خبرونه

پنجشنبه ۱۳۹۹/۱۲/۷ - ۲۰:۲
Background image

محمد هارون چخانسوري: د کانونو او پټرولیم وزارت به په راتلونکو پنځو کلونو کې د پانګونې د فرصتونو پر پراختیا تمرکز کوي

د کانونو او پټرولیم وزیر محمد هارون چخانسوري په مشرۍ د کانونو کاري ګروپ (Mineral Working Group) غونډه د ویډیو کنفرانس له لارې ترسره شوه. په دې غونډه کې، د اړونده سفارتونو، ډونرانو،. . .

چهارشنبه ۱۳۹۹/۱۲/۶ - ۱۹:۲۷
Background image

د ډبرو سکارو څخه د برېښنا د تولید پر ابتدایي طرحه هراړخیز بحث وشو

د کانونو او پټرولیم وزارت رهبرۍ، د ډبرو سکارو څخه د برېښنا د تولید لپاره ابتدایي طرحه ترتیب او درې اوونۍ وړاندې یې د جمهوري ریاست له عالي مقام سره شریکه کړه.

د جمهوري ریاست عالي مقام. . .

سه‌شنبه ۱۳۹۹/۱۲/۵ - ۱۹:۳
Background image

د کانونو او پټرولیم وزیر په کابل کې د ایران له سفیر سره په غونډه کې د اقتصادي همکاریو د پراختیا په اړه بحث وکړ

د کانونو او پټرولیم وزیر محمد هارون چخانسوري، نن ماسپیښین په کابل کې د ایران سفیر بهادر امینیان سره په خپل کاري دفتر کې وکتل. په دغه کتنه کې، د اقتصادي همکاريو د پراختیا، په ځانګړي. . .

بېرته خبرونه ته