د کانونو او پټرولیم وزارت لوړ پوړو چارواکو لپاره د شتمنیو د ثبت او څارنې روزنیز سیمینار ترسره شو

firoz_admin
یکشنبه ۱۳۹۸/۱۲/۱۸ - ۸:۴۵
141

د جمهوري ریاست د چارو ادارې د شتمنیو د ثبت او څارنې ریاست لخوا د کانونو او پټرولیم وزارت لوړ پوړو کارکونکو ته د شتمنیو د ثبت او څارنې په موخه یو ورځنی سیمینار ترسره شو.


 
په دغه سیمینار کې د کانونو او پټرولیم وزارت د سروېجیولوجي مرستیال ښاغلي حسینداد شفایې، د یاد وزارت رییسانو او د جمهوري ریاست د چارو ادارې د شتمنیو د ثبت او څارنې رئیس ښاغلي عبدالودود بشریار ګډون کړی ؤ.

 

د وزارت مشرتابه په استازیتوب، ښاغلي شفایې د فساد سره د مبارزې په اړه د کانونو او پټرولیم وزارت ژمنه تازه کړه او په دې برخه کې یې د وزارت د رهبری پاملرنه څرګنده کړه.

 
ښاغلي بشریار د افغانستان د اساسي قانون د ۱۵۴ مادې په اساس د لوړ پوړو چارواکو د شتمنیو د ثبت او څارنې په اړه معلومات وړاندې کړل او څرګنده یې کړه چې دغه اداره د عامه شتمنیو ضایع کیدو د مخنیوي،  امانتداری کلتور ته وده ورکول، روڼتیا، حساب ورکونې او د قانون د حاکمیت په خاطر رامنځته شوې؛ څو د دولتي چارواکو شتمنۍ ثبت، تحلیل، نشر او وڅاري.
 
همدارنګه د یاد ریاست د عامه پوهاوي کارپوه ښاغلي احسان الله حیات لخوا د دې ادارې د اهدافو او پلانونو په اړه ګډونوالو ته معلومات وړاندې شول.

 
په پای کې د شتمنیو د ثبت او څارنې ریاست لخوا د قانون ترویج، د شتمنیو د ثبت او څارنې، فورم ډکونې او آنلاین ثبتونکي سیسټم په اړه معلومات  وړاندې شول.

 
په یاد سیمینار کې د فساد په وړاندې د مبارزې په اړه د افغان دولت د ژمنو، د شتمنیو د ثبت په فورمې کې د ناسمو معلوماتو د ورکولو په پایلو، او د هغې د څارنې په اړه معلومات وړاندې شول. 

 
د سیمینار په پای کې ګډونوالو د شتمنیو د ثبت او څارنې په اړه خپل نظریات او وړاندیزونه شریک کړل.

 

تازه خبرونه

شنبه ۱۳۹۹/۶/۲۹ - ۹:۴۴
Background image

محمد هارون چخانسوري د افغانستان د کانونو او صنعت د خونې غړو ته په خطاب کې: مشترکو موخو ته د رسېدو لپاره باید په ګډه کار وکړو ترڅو په سکتور کې شفافیت او تحرک تامین او خلکو ته د کارموندنې فرصتونه ایجاد شي

د کانونو او پټرولیم وزارت سرپرست محمد هارون چخانسوري د کانونو او صنعت د خونې له رئیس ښاغلي شیرباز کمین زاده او د یادې خونې له یو شمېر غړو سره په ناسته کې د کانونو د قانون، د جواز ورکړې. . .

چهارشنبه ۱۳۹۹/۶/۲۶ - ۱۲:۳۴
Background image

د مس‌عینک په پروژه کې د شته ستونزو د حل لپاره بېړني اقدامات ترسره کیږي

د کانونو او پټرولیم وزارت سرپرست محمد هارون چخانسوري، په کابل کې د چین سفیر ښاغلي وانګ‌یو سره نن سهار په خپل کاري دفتر کې وکتل.

په دغه کتنه کې د افغانستان د استخراجي صنایعو له سکتور. . .

سه‌شنبه ۱۳۹۹/۶/۱۱ - ۱۴:۸
Background image

د کانونو او پټرولیم وزارت سرپرست د ولسمشر له ستر سلاکار ښاغلي کبیر عیسی خېل سره وکتل.

د کانونو او پټرولیم وزارت سرپرست محمد هارون چخانسوري په حقوقي چارو کې د ولسمشر له ستر سلاکار ښاغلي کبیر عیسی خېل سره وکتل.

په دغه کتنه کې د میس عینک پروژې پر څرنګوالي او د یادې پروژې د. . .

بېرته خبرونه ته