د کابینې نویو وزیرانو د لوړې مراسم پرځای کړل

firoz_admin
پنجشنبه ۱۳۹۹/۱۱/۱۶ - ۱۸:۴۰
لالا

د افغانستان اسلامي جمهوریت کابینې هغو وزیرانو چې په دې وروستیو کې یې له ولسي جرګې څخه د باور رایې ترلاسه کړې وې، نن ماسپښین د افغانستان اسلامي جمهوریت د جمهوررئیس محمداشرف غني پر وړاندې د لوړې مراسم پرځای کړل.

په دې مراسمو کې چې په سلامخانه ماڼۍ کې ترسره شول د هیواد لومړۍ مېرمن، د جمهوررئیس لومړي مرستیال امرالله صالح او دویم مرستیال استاد سرور دانش هم حضور درلود، د چارو ادارې لوی رئیس ډاکټر فضل محمود فضلي وزیرانو ته د مبارکۍ پرمهال وویل، د چارو اداره ژمنه ده چې د همغږۍ او د عالي شوراګانو د اجنډاو، محتوا او د کابینې غونډو د لا موثریت او ګټورتوب په موخه به له دوی سره له نږدې کار وکړي.

د وزیرانو له لوړې وروسته جمهوررئیس هغوی ته د مبارکۍ پرمهال له ولسي جرګې څخه دغو وزیرانوته د باور رای ورکولو څخه مننه او هغوی ته په ورسپارل شویو مسوولیتونو کې د بریا هیله وکړه. هغه زیاته کړه، خلک منتظر دي چې ستاسو په توانا مټو، منسجم فکر او پاکو لاسونو د افغانستان اسلامي جمهوري نظام پیاوړی شي.

د هیواد جمهوررئیس دغو وزیرانو ته په خطاب کې وویل، له تاسو مې غوښتنه ډېره ساده ده، د اساسي قانون تطبیق. دا د اصولو قانون او ملي وثیقه ده او څومره یې چې عملي کړو، نو همغومره به د ولس باور زیات او په سیمه ییزه او بین المللي کچه د نظام مشروعیت لا لوړ شي.

تازه خبرونه

پنجشنبه ۱۳۹۹/۱۲/۷ - ۲۰:۲
Background image

محمد هارون چخانسوري: د کانونو او پټرولیم وزارت به په راتلونکو پنځو کلونو کې د پانګونې د فرصتونو پر پراختیا تمرکز کوي

د کانونو او پټرولیم وزیر محمد هارون چخانسوري په مشرۍ د کانونو کاري ګروپ (Mineral Working Group) غونډه د ویډیو کنفرانس له لارې ترسره شوه. په دې غونډه کې، د اړونده سفارتونو، ډونرانو،. . .

چهارشنبه ۱۳۹۹/۱۲/۶ - ۱۹:۲۷
Background image

د ډبرو سکارو څخه د برېښنا د تولید پر ابتدایي طرحه هراړخیز بحث وشو

د کانونو او پټرولیم وزارت رهبرۍ، د ډبرو سکارو څخه د برېښنا د تولید لپاره ابتدایي طرحه ترتیب او درې اوونۍ وړاندې یې د جمهوري ریاست له عالي مقام سره شریکه کړه.

د جمهوري ریاست عالي مقام. . .

سه‌شنبه ۱۳۹۹/۱۲/۵ - ۱۹:۳
Background image

د کانونو او پټرولیم وزیر په کابل کې د ایران له سفیر سره په غونډه کې د اقتصادي همکاریو د پراختیا په اړه بحث وکړ

د کانونو او پټرولیم وزیر محمد هارون چخانسوري، نن ماسپیښین په کابل کې د ایران سفیر بهادر امینیان سره په خپل کاري دفتر کې وکتل. په دغه کتنه کې، د اقتصادي همکاريو د پراختیا، په ځانګړي. . .

بېرته خبرونه ته