د ملي عمل درېيم پروګرام کې د شموليت په موخه د ټولنې بېلابېلو پرګنو وړاندېز شويو موضو‌ع‌ګانوراټولولو په موخه د افغانستان پرانيستې دولت‌دارۍ مشارکت اعلاميه

firoz_admin
شنبه ۱۴۰۰/۵/۲ - ۱۴:۳۷
rer

د افغانستان اسلامي جمهوري دولت د پرانيستې دولتدارۍ مشارکت د ملي عمل درېيم پروګرام د تدوين بهير په نېږدې ورځو کې پيلېږي.

د پرانيستې دولتدارۍ مشارکت  (OGP) د لارښود په بربنسټ، د دغه سازمان د غړيو هېوادونو د ملي عمل پروګرامونه د مدني تولنې بنسټونو په مشارکت تدوين او چمتو کېږي. د افغانستان اسلامي جمهوري دولت د پرانيستې دولتدارۍ مشارکت غړيتوب له ترلاسه کولو تر دې دمه خپل د ملي عمل پروګرامونه د ياد لارښود په رڼا کې تدوينوي.

د افغانستان ملي عمل لومړی پروګرام په بريا سره تطبيق شوی او د ملي عمل دويم پروګرام د مدني ټولنې بنسټونو او هېوادوالو په پراخ مشارکت سره تدوين شوی او د تطبيق په وروستيو پړاوونو کې دی. د افغانستان اسلامي جمهوري دولت د ملي عمل دويم پروګرام کې ۱۸ بدلونراووړنکې ژمنې شاملې دي چې په تطبيق سره به يې د عامه خدماتو په برخه کې روڼتيا او حسابورکوونه زياته او د ملي پاليسيو په تدوين کې د عامه مشارکت زمينه برابره شي. د بېلګې په ډول د « ذیفع مالکيت د ثبت او پلټنې مقررې» ژمنې څخه چې د حسابورکوونې، ځوابوينې او روڼتيا لوړاوي په برخه کې تدوين او تصويب شوې، يادونه وکړو. په باوري توګه د هغې په سم تطبيق سره به له ډول ډول جرمونو ( مالياتي فرار، د پيسو تطهير، د ترهګرۍ تمويل او د نشهيي توکيو قاچاق) څخه مخنيوی وشي.  

دا چې د ملي عمل دويم پروګرام د تطبيق وخت په تماميدو دی او ډېری ژمنې يې بشپړې شوي، د افغانستان اسلامي جمهوري دولت په پام کې لري چې  د پرانيستې دولتدارۍ مشارکت د ملي عمل درېيم پروګرام د تدوين چارې هم پيل کړي، نو له دې کبله له ټول وزارتونو، خپلواکو ادارو، د مدني ټولنې بنسټونو، رسنيو، ښوونيز او تحصيلي سکټور او هېوادوالو څخه په درښت هيله کېږي څو خپلې وړاندېز شوې موضوعګانې چې په ( روڼتيا، حسابورکوونې، د عامه پاليسيو په تدوين او تطبيق بهير کې د هېوادوالو مشارکت د ښهوالي او لوړاوي او له نوې ټيکنالوژۍ څخه استفادې  پورې اړوندې وي) د ملي عمل درېيم پروګرام کې د شموليت په موخه د ۱۴۰۰ کال د زمري تر 30 نېټې پورې د لاندې برښناليک له لارې له موږ سره شريکې کړي.

Faisal.stanekzai2@gmail.com  اوinfo@ogpa.gov.af   

د يادونې ده چې د پرانيستې دولتدارۍ سکرتريت د هېواد د ملي عمل پروګرامونو د آسانچاري رول لري او ستاسو وړاندېز شوې موضوعګانې به له توحيد وروسته اړوندو مراجعو په تېره د افغانستان پرانيستې دولتدارۍ مشارکت ټولګې عمومي فورم ته وړاندې شي.

د لازياتو معلومات لهپاره د پرانيستې دولتدارۍ مشارکت ويب سايټ ته مراجعه وکړئ:.https://ogpa.gov.af       

تازه خبرونه

یکشنبه ۱۴۰۲/۷/۲ - ۱۷:۴۸
Background image

د کانونو او پټرولیم وزارت سرپرست د میدان وردګ ولایت له والي او سایر د کانونو د استخراج پروسس شرکت له رئیس سره ولیدل

د کانونو او پټرولیم وزارت سرپرست شیخ الحدیث شهاب الدین دلاور د یکشنبې په ورځ د 2/7/1402 نېټې د میدان وردګو ولایت له والي ښاغلي قاري بختیارمعاذ او سایر د کانونو د استخراج او پروسس شرکت. . .

یکشنبه ۱۴۰۲/۷/۲ - ۱۷:۴۴
Background image

د پنجشیر ولایت زمرد پلور داوطلبي تر سره شوه

د پنجشیر ولایت زمرد پلور داوطلبي د پنجشیر والي مرستیال ښاغلي روح الله، استخباراتو رئیس، امنیه قومندان، سیمه ییزو چارواکو، مخورو او د داوطلبۍ شرکتونو په شتون کې نن یکشنبه د 2/7/1402 نېټې. . .

دوشنبه ۱۴۰۲/۶/۲۷ - ۸:۵۲
Background image

د زمردو ملي سوداګرو سره د کانونو او پټرولیم وزارت سرپرست لیدنه

د کانونو او پټرولیم وزارت سرپرست شیخ الحدیث شهاب الدین دلاور د پنجشیر ولایت د زمردو داوطلبۍ ګټونکي ښاغلي فخرالدین او یو شمېر نورو ملي سوداګرو سره ولیدل.
په دغه لیدنه کې د کانونو او. . .

بېرته خبرونه ته