کانونو او پټرولیم وزارت سرپرستوزیر د نړیوال بانک له نمایندګانو سره وکتل
د کانونو او پټرولیم وزارت سرپرستوزیر ښاغلي عنایتالله مومند د نړیوال بانک له نمایندګانو سره د افغانستان د ګازي پراختیایې پروژې (AGasProject) په اړه چې د نړیوال بانک لخوا تمویلیږي د تیرو ناستو په څیر ناسته ترسره کړه.
په همدې ناسته کې د وزارت سرپرستوزیر د پروژې تدارکاتي، د کارکونکو د ظرفیت لوړونې او په تخنیکي برخو کې د افغانستان د شمال ګازي پراختیایې پروژې په اړه بحث او نظرونه تبادله کړل، او د افغانستان په صنایع استخراجي پراختیایې سکټور کې یې د نړیوال بانک له همکاریو مننه او قدرداني وکړه.
همدارنګه د نړیوال بانک نمایندګانو د یادې پروژې په ښه شان پلي کولو د غوښتنې ترڅنګ د کانکېندنې د نوي پروژې په تخنیکي برخه کې د همکاریو خبر ورکړ.
دواړو خواوو په ګډه همکارۍ ټینګار وکړ او هم یې د یادې پروژې په ښه شان پلي کیدو په اړه هیلې څرګندې کړې.
