د کانونو او پټرولیم وزارت او علامه د لوړو زده کړو موسسې ترمنځ د مرستې تفاهمنامه لاسلیک شوه
د کانونو او پټرولیم وزارت او د علامه دلوړو زده کړو موسسې ترمنځ تفاهم لیک؛ د کانونو او پټرولیم وزارت مالي او اداري مرستیال ښاغلي محبوب الله رباني په واسطه، نن ورځ مخکې له غرمې لاسلیک شو.
د دغه تفاهم لیک له لاسلیک کولو څخه موخه د کانونو او پټرولیم وزارت د کارکونکو د تحصیلي سویې لوړول، ترڅو د انساني سرچینو د غوره کړنو پخاطر اغیزمن ګامونه اخیستل شوي وي.
دواړو خواوو د تفاهمنامې په لاسلیک کولو سره وویل چې د تعلیمي بنسټونو او دولتي ادارو ترمنځ د ورته علمي مشارکت په جوړولو سره به، د کارکونکو تحصیلي سویې ته وده او ترڅنګ به د هېواد اقتصاد هم پیاوړی شوی وي.
د کانونو او پټرولیم وزارت رهبري هوډ لري چې، د نورو غوره تحصیلي بنسټونو سره هم د دې وزارت د انساني سرچینو د تحصیلي سویې د لوړولو پخاطر، د همکارۍ ورته تفاهمنامې لاسلیک کړي.
#علامه #کانونو_او_پټرولیم_وزارت #MoMP
