د کانونو او پټرولیم وزارت سرپرست د تخار ولایت له مشرانو سره وکتل

د کانونو او پټرولیم وزارت سرپرست الحاج ملا هدایت الله بدري د یکشنبې په ورځ  6/8/1403 نېټې د تخار ولایت له مشرانو او مخورو سره په خپل کاري دفتر کې وکتل.

په دې کتنه کې د کاني زېرمو د اغېزمن مدیریت، د قاچاق او غیر قانوني استخراج د مخنیوي په اړه بحث او خبرې وکړې او د دغه ولایت د خلکو ستونزې او وړاندیزونه یې د وزارت له مشرتابه سره شریک کړل.

د کانونو او پټرولیم وزارت سرپرست د هغوی په راتګ خوښي څرګنده کړه ډاډ یې ورکړ چې د کانونو د قانون او طرزالعمل له مخې  او د شته امکاناتو په شتون کې به د دغه ولایت د خلکو د ستونزو د حل لپاره لازم اقدامات ترسره شي.